Accessibility Tools

NOVAS DO CONCELLO

- A actividade, que dará comezo ás dez da noite, é gratuíta

- Haberá cadeiras dispoñibles e deben cumprirse todas as medidas de prevención do coronavirus, coma o uso de mascarilla

CARTEL VAIANA

Valga, 20 de xullo de 2020.

O aparcadoiro da Candieira, situado detrás do Auditorio Municipal, acollerá este venres, 24 de xullo, unha sesión de cine ao aire libre. Proxectarase a película de Disney “Vaiana”, apta para todos os públicos e especialmente recomendada para a infancia polo seu contido en contra dos roles e estereotipos de xénero e en prol da igualdade.

A protagonista é Vaiana Waialiki, unha moza polinesia que se embarca nunha viaxe polo Pacífico para cambiar o destino do seu pobo. Xunto ao seu compañeiro de viaxe, Maui, aprende a navegar, a sobrevivir no océano, a enfrontarse a perigosos piratas ou a monstros mariños e, en definitiva, a superarse a si mesma.

A proxección, que é gratuíta, dará comezo ás 22 horas. Haberá cadeiras dispoñibles para o público e os menores deberán ir acompañado dun adulto.

A actividade celebrarase baixo o cumprimento do protocolo de prevención da Covid-19, manténdose as distancias de seguridade e sendo obrigatorio o uso de mascarilla por parte de todos os asistentes.

Vaiana

boton facebookboton twitter   boton youtube

boton cita previa sede

boton extensions

boton sede electronica

boton bandos

boton rueiro

boton tempo

boton obradoiro

Volver