- Entregaron aos presentes os documentos precisos para formalizar a matrícula e abonar as taxas, que se manteñen invariables con respecto á etapa anterior

- O centro de ensinanzas musicais conta na actualidade con 225 alumnos e un equipo de 19 profesores

escola música

Valga, 20 de xaneiro de 2018.

O alcade, José María Bello Maneiro, e as concelleiras Begoña Piñeiro e Ramona Otero mantiveron na tarde de onte un encontró con pais de alumnos da Escola Municipal de Música para explicarles o novo modelo de xestión que entrou en vigor o pasado día 2 de xaneiro. Foi nesa data cando o Concello de Valga asumiu as responsabilidades na xestión do centro de estudos musicais, delegadas mediante contrato á empresa Servizos e Producións Villar-Rey de Galicia S.L., toda vez que os orzamentos para este ano 2018 recollen os fondos precisos.

O alcalde e as concelleiras explicaron aos pais presentes que os prezos da matrícula e das clases mantéñense invariables con respecto á etapa anterior. A matrícula é de 20 euros para os alumnos empadroados en Valga e para os exalumnos e colaboradores da Banda de Música. Os usuarios empadroados noutras vilas deberán abonar, ademais da citada cantidade, 12 euros ao mes durante os dez meses que dura o curso.

Os prezos das clases colectivas son os seguintes:

  • Música e Movemento / Linguaxe Musical: 18 euros
  • Danza, Harmonía, Historia da Música (con instrumento): 10 euros
  • Danza, Harmonía, Historia da Música (sen instrumento): 18 euros
  • Agrupacións: Banda, Big Band, Conxunto, Coro: gratuítas

As clases individuais teñen os seguintes prezos:

  • Clases de instrumento: Vento, Corda fretada (con agrupacións): 44 euros
  • Clases de instrumento: Vento, Corda fretada (sen agrupacións): 51 euros
  • Percusión (con agrupacións): 50 euros
  • Percusión (sen agrupacións): 57 euros
  • Clases de instrumento: Gaita, Acordeón, Guitarra, Piano, Canto: 51 euros
  • Instrumentos complementarios: Canto, Piano (30 minutos, individual): 20 euros

Todos os irmáns e pais que reciban clase de instrumento poden beneficiarse de reducións nos prezos. A diminución é de 5 euros ao mes para o segundo membro da familia, de 10 euros mensuais para o terceiro membro e de 15 euros mensuais para o cuarto. Estas reduccións deben solicitarse no momento de efectuar a matrícula, aportando ademais unha copia compulsada do Libro de Familia.

O Concello abriu unha conta bancaria específica para o abono das taxas da Escola de Música e na reunión de onte entregouse aos presentes o documento para a domiciliación bancaria dos recibos que, unha vez cuberto ,debe entregarse no Concello ou no Auditorio.

No encontró participaron tamén o director da Escola de Música, Manuel Villar Touceda, e un membro da nova directiva da asociación Musival. A Escola Municipal conta na actualidade con 225 alumnos aos que imparte clase un equipo de 19 profesores.

Os pais que non asistiron á reunión de onte poden descargar a documentación nos seguintes enlaces:

- Prezos públicos pola prestación do servizo da Escola Municipal de Música

- Normas de xestión

- Solicitude de domiciliación bancaria

- Solicitude de bonificación do prezo público da Escola de Música

- Autorización para a toma de fotografías

boton auditorio

boton edificio usos admin

boton casa cultura

boton codi

boton facebookboton twitter   boton youtube

boton cita previa sede

boton sede electronica

boton bandos

boton bella otero

boton rueiro

boton directorio

boton tempo

Volver