Accessibility Tools

NOVAS DO CONCELLO

- Os traballos, cun prazo de execución de tres meses, conlevarán a pavimentación dun tramo de 790 metros de lonxitude

- A Consellería do Medio Rural subvenciona o proxecto cunha aportación de 41.875 euros

 

Valga, 17 de xaneiro de 2018.

O Concello de Valga iniciou os trámites para contratar as obras de asfaltado dun camiño entre o lugar de Raxoi, na parroquia de San Miguel, e a pista que comunica os lugares de Martores e Parafita, un proxecto que conta cun orzamento de 52.251,43 euros e que subvenciona a Consellería do Medio Rural a través da Axencia Galega de Desenvolvento Rural (Agader) cunha aportación de 41.875,31 euros.

As obras, para as que se solicitaron ofertas ás empresas Covsa, Construcións Narom e Taboada e Ramos a través dun procedemento negociado sen publicidade, suporán a mellora e pavimentado do camiño nunha lonxitude de 790 metros. O prazo de execución é de tres meses.

Con esta actuación preténdese dotar ao vial de condicións axeitadas para a circulación e continuar achegando a rede viaria aos residentes nos núcleos rurais de Valga.

 

boton facebookboton twitter   boton youtube

boton cita previa sede

boton extensions

boton sede electronica

boton bandos

boton rueiro

boton tempo

boton obradoiro

Volver