Accessibility Tools

NOVAS DO CONCELLO

- A agrupación valguesa está nominada na categoría de Bandas de Música Populares

- O goberno municipal destaca que “este e anteriores éxitos da nosa banda son reflexo do grande traballo realizado pola Escola de Música”

ConcertoBanda

Valga, 17 de abril de 2020.

A Banda de Música Municipal, un dos principais expoñentes da cultura en Valga, segue a colleitar éxitos incluso en período de confinamento. A agrupación valguesa acaba de ser elixida finalista da VII edición dos Premios Martín Códax da Música, que organiza a asociación Músicas ao Vivo.

Os finalistas foron designados por un xurado profesional integrado polo músico Xose Miguélez, a cantante e compositora Ánxela Baltar, a doutora en Historia da Arte e Música Patricia Cupeiro, a xornalista Belén Regueira, e o historiador e crítico musical Julio Gómez. A Banda de Valga está nominada na categoría de Bandas de Música Populares xunto coas agrupacións de Meaño e Merza.

Serán os socios do colectivo “Músicas ao Vivo” os que elixan aos gañadores mediante un proceso de votación online que estará aberto entre o 20 de abril e o 3 de maio.

A agrupación que dirixe Manuel Villar Touceda xa se proclamou en 2018 gañadora do Certame Galego de Bandas de Música Populares. O pasado verán, foi elixida para interpretar a súa versión en galego de Carmina Burana na Cidade da Cultura.

O Concello transmite a súa felicitación a todos os músicos que forman parte da Banda Municipal, “un orgullo para todos os valgueses”. Para o goberno local este e anteriores logros da agrupación son resultado do grande traballo en materia cultural que se vén realizando dende hai anos a través de entidades coma a Escola Municipal de Música e agora tamén co Centro Superior de Música de Galicia.

Banda Finalista

boton facebookboton twitter   boton youtube

boton cita previa sede

boton extensions

boton sede electronica

boton bandos

boton rueiro

boton tempo

boton obradoiro

Volver