- Os aprendices traballan na detección dalgúns dos principais problemas medioambientais aplicados aos oficios de albanelería e forestais

- Vinte persoas desempregadas de Valga e Moraña participan neste proxecto, cunha duración de nove meses

SensibilizaciónAmbiental1

Valga, 10 de decembro de 2019.

O alumnado do Obradoiro de Emprego Ulla-Umia IV comezaron esta semana un módulo sobre Sensibilización Ambiental como parte da formación complementaria aos oficios que van a aprender durante os nove meses de duración do proxecto formativo: os de albanelería e forestal.

O módulo ten unha duración de nove horas e impárteo o experto docente da especialidade de forestais, Manuel Fernández. O obxectivo é introducir aos alumnos no coñecemento dos principais problemas medioambientais, tanto a nivel xeral como no ámbito laboral, e a súa aplicación nas especialidades de albanelería e forestais a través do desenvolvemento de boas prácticas ambientais.

Durante as sesións faise fincapé en asuntos como a contaminación, os vertidos, o tratamento de residuos, a compostaxe, o desenvolvemento sostible, a deforestación e a desertización, entre outros. Os participantes tamén realizan prácticas de detección dos principais problemas medioambientais aplicados ás especialidades formativas do obradoiro.

Esta formación impártese ao mesmo tempo que o alumnado recibe a formación específica de cada especialidade antes de comezar coas prácticas de cada un dos oficios.

No Obradoiro de Emprego Ulla-Umia IV participan vinte persoas desempregadas dos concellos de Valga e Moraña, que perciben o salario mínimo interprofesional durante os nove meses de duración do proxecto. Neste período, ademais de recibir formación teórico-práctica, os aprendices realizarán obras de interese público que, no caso de Valga, serán: a continuación dos traballos no edificio de usos administrativos e no pavillón municipal de Beiro, a mellora de tramos do Camiño Portugués mediante desbroces, limpezas, podas ou plantacións e o acondicionamento forestal de diversas zonas verdes como o Miradoiro de Beiro, Mina Mercedes ou a área fluvial de Vilarello.

SensibilizaciónAmbiental2 SensibilizaciónAmbiental3

boton auditorio

boton edificio usos admin

boton casa cultura

boton codi

boton facebookboton twitter   boton youtube

boton sede electronica

boton bandos

boton bella otero

boton rueiro

boton tokapp

boton directorio

boton tempo

Volver