- O obxectivo é mellorar a coordinación entre todos os axentes implicados na prevención e erradicación da violencia machista

- Favorecer a detección de posibles casos, ofrecer unha resposta áxil ás vítimas e sensibilizar á poboación son algunhas das funcións da mesa

Mesaviolenciaxénero1

Valga, 4 de decembro de 2019.

Persoal municipal e do Centro de Información á Muller, membros dos corpos de seguridade e representantes dos sectores sanitario e educativo comezaron esta mañá as sesións formativas previas á constitución da Mesa Local de Coordinación Institucional contra a violencia de xénero. Esta formación foi concedida pola Secretaría Xeral de Igualdade da Xunta de Galicia, no marco dun acordo de colaboración asinado coa Federación Galega de Municipios e Provincias, tendo en conta, ademais, que Valga forma parte da Rede de entidades locais contra a violencia de xénero.

As xornadas desenvólvense no Auditorio Municipal coa participación da concelleira de Igualdade, Begoña Piñeiro; persoal do departamento de Servizos Sociais; a directora, a psicóloga e a avogada do Centro de Información á Muller; representantes dos equipos directivos dos centros educativos; tres membros da Garda Civil –o sarxento do posto de Valga, unha garda do equipo de seguimento de vítimas de violencia de xénero e unha axente do Grupo EMUME da Comandancia de Pontevedra–; a Policía Local; o xefe de servizo do Centro de Saúde de Valga; e outro persoal do Concello e axentes implicados na prevención e erradicación da violencia machista.

O obxectivo destas sesións, que continuarán o mércores día 11, é facilitar o traballo grupal e participación dos axentes que forman parte das Mesas Locais, a través da mellora da organización e do proceso de toma de decisións. Os retos que se marcan son:

  • Mellorar a eficiencia do conxunto de espazos de toma de decisión, asembleas e reunións nos que se organizan as Mesas Locais.
  • Identificar e poñer en valor as lóxicas de traballo, así como os elementos ou obstáculos que poidan dificultar a operatividade das Mesas Locais.
  • Identificar os axentes e entidades do territorio de cara abrir a súa participación na mesa ou na procura de alianzas sobre as que deseñar estratexias de prevención e loita contra a violencia de xénero.
  • Mellorar a coordinación e a participación activa das persoas que forman parte da Mesa Local.
  • Coñecer as competencias e habilidades persoais para un liderado democrático e transformador: comunicación, escoita activa, empatía, facilitación de grupos, mediación, moderación de reunións, resolución de conflitos...

Na mañá de hoxe definíronse os axentes que van a formar parte da Mesa Local e tratouse, entre outras cuestións, o tipo de mesa que se quere constituír: unha que centre a súa actividade en promover iniciativas de dinamización e sensibilización contra a violencia de xénero; ou tamén un espazo no que compartir a nivel interno protocolos e formación. Na segunda xornada traballarase sobre accións concretas a levar a cabo, propoñendo actividades e iniciativas que sexan factibles a nivel local. O obxectivo é ofrecer ferramentas aos axentes para que a mesa que se constitúa teña actividade real e efectiva e ofreza resultados.

Estas xornadas son impartidas por persoal da Cooperativa “Cidadanía”, que realiza traballos de asistencia técnica para a Xunta de Galicia.

As Mesas Locais de Coordinación Institucional contra a violencia de xénero son instrumentos nos que están representados todos os ámbitos municipais implicados para procurar unha maior eficiencia á hora de dar resposta a posibles casos de violencia de xénero e promover políticas e actuacións para a erradicación desta lacra social.

Entre as funcións destas mesas destacan as seguintes:

  • Mellorar a detección precoz de casos de violencia de xénero
  • Optimizar a coordinación dos axentes implicados na loita contra a violencia de xénero
  • Ofrecerlles unha atención e unha resposta áxil ás vítimas
  • Mellorar a protección das vítimas consideradas de alto risco
  • Informar e sensibilizar na materia tanto aos profesionais como á poboación en xeral

Mesaviolenciaxénero2 Mesaviolenciaxénero3

boton auditorio

boton edificio usos admin

boton casa cultura

boton codi

boton facebookboton twitter   boton youtube

boton sede electronica

boton bandos

boton bella otero

boton rueiro

boton tokapp

boton directorio

boton radio

boton tempo

Volver