- A identidade de xénero e os estereotipos que conteñen os contos infantís foron as temáticas destas actividades

- O sábado, ás 20 horas, terá lugar no Auditorio a obra de teatro “Cinco minutos sen respirar”

PríncipasePrincesos1

Valga, 27 de novembro de 2019.

A campaña de sensibilización contra a violencia de xénero promovida pola Concellería de Igualdade tivo onte dúas novas citas dirixidas ao público máis novo.

Pola mañá todo o alumnado do colexio Xesús Ferro Couselo e os estudantes de 3º e 4º de Primaria do CEIP Baño-Xanza desprazáronse ata o Auditorio Municipal para asistir á representación teatral “Nómades”, a cargo da compañía Xarope Tulú.

O movemento, a música e a palabra foron os eixos centrais do espectáculo que guiaron ao público por unha viaxe por paisaxes singulares, transitando como nómedes sen morada e convidando a reflexionar sobre a identidade de xénero, no seu sentido máis amplo.

Xa pola tarde, na Casa da Cultura tivo lugar o contacontos “Príncipas e Princesos” dirixido, tamén, ao público infantil. Historias diferentes nas que valentes princesas protagonizaban diferentes aventuras e nas que os príncipes pasaban o ferro ou barrían o chan contribuíron a combater os estereotipos e roles de xénero dun xeito ameno e divertido para os rapaces.

As actividades vencelladas á igualdade e á loita contra a violencia de xénero continúan nos vindeiros días. O venres Cris de Caldas relatará no CODI “Contos especiais en Lila” a partir das 12 da mañá, e o sábado ás 20:00 horas Ítaka Teatro representa no Auditorio a obra “Cinco minutos sen respirar”. É unha adaptación da obra homónima do dramaturgo Gustavo Ott e trata temas como o amor, a violencia, a familia ou a explotación laboral, entre outros. Está recomendada para maiores de 14 anos. A entrada é de balde.

Nómades1 Nómades2

PríncipasePrincesos2 PríncipasePrincesos3

boton auditorio

boton edificio usos admin

boton casa cultura

boton codi

boton facebookboton twitter   boton youtube

boton sede electronica

boton bandos

boton bella otero

boton rueiro

boton tokapp

boton directorio

boton radio

boton tempo

Volver