- O acto terá lugar ás 17:00 horas e o público poderá visitar o nacemento a partir das 17:45

- A estrea contará coa presenza do alcalde, José María Bello Maneiro, e da directora de Turismo de Galicia, Nava Castro

MontaxeBelén1

Valga, 27 de novembro de 2019.

O Nadal chega a Valga este domingo coa inauguración dunha nova edición do Belén Artesanal en Movemento, un dos nacementos máis afamados de Galicia e de España e que atrae cada ano a milleiros de visitantes, destacando como un dos principais atractivos turísticos de Valga. Non en balde, está declarado de Interese Turístico de Galicia dende o ano 2013.

A inauguración terá lugar ás 17:00 horas e contará coa presenza da directora de Turismo de Galicia, Nava Castro, que acompañará ao alcalde, José María Bello Maneiro, aos demais membros da Corporación municipal e aos integrantes da Asociación Amigos do Belén, os verdadeiros artífices do nacemento. Unha vez rematado o acto, darase paso ás visitas do público a partir das 17:45.

Os preparativos desta nova edición do Belén Artesanal remóntanse a comezos do mes de outubro. Arredor de 35 veciños partipan nestas tarefas, que durante as primeiras semanas se centraron na recollida e clasificación de todas as pezas que formaron parte da última composición e a reparación de motores e mecanismos. O seguinte paso do proceso foi a creación de novas figuras e construcións para engadir novas escenas ao nacemento e, dende hai días, xa está en marcha a colocación e montaxe para sorprender, un ano máis, ao público a partir deste domingo.

Como é habitual o Belén de Campaña fará un repaso polos acontecementos locais, nacionais e internacionais que máis repercusión tiveron durante o ano 2019 en ámbitos como a política, cultura ou sociedade, entre outros. Este é, sen dúbida, o principal atractivo e rasgo distintivo do nacemento valgués, conxugando nos seus 400 metros cadrados esceas da tradición de Nadal, outras propias da cultura popular de Galicia e a representación de sucesos de actualidade facilmente recoñecibles para o público. Todo feito a man de xeito artesanal.

O Belén permanecerá aberto ao público de xeito gratuíto ata o 12 de xaneiro de 2020. O horario entre semana é de 17:30 a 20:30 horas, os sábados de 17:00 a 20:30 e os domingos e festivos de 12:00 a 14:00 horas pola mañá e de 17:00 a 20:30 pola tarde.

MontaxeBelén2 MontaxeBelén3

MontaxeBelén4 MontaxeBelén5

MontaxeBelén6          MontaxeBelén7

INAUGURACIÓN BELEN 19 20

boton auditorio

boton edificio usos admin

boton casa cultura

boton codi

boton facebookboton twitter   boton youtube

boton cita previa sede

boton sede electronica

boton bandos

boton bella otero

boton rueiro

boton tokapp

boton directorio

boton tempo

Volver