Accessibility Tools

NOVAS DO CONCELLO

- Voluntarios de Protección Civil acompañáronos no tramo que discorre polo noso concello para axudalos e darlles apoio

- “O Camiño está en bastantes boas condicións, non atopamos ninguha barreira que non puideramos superar”, destacan

RodandonoCamiño1

Valga, 2 de outubro de 2019.

Valga recibiu onte a un grupo de peregrinos con discapacidade que están percorrendo o Camiño Portugués a Santiago e gravando un documental sobre a súa experiencia. Trátase de trece usuarios do centro para persoas con discapacidade intelectual de Medelo (Silleda), dous deles en cadeira de rodas, aos que acompañan seis monitores. A iniciativa, que promove a plena inclusión, a superación de barreiras e a normalización da discapacidade, conta co respaldo da Consellería de Cultura e Turismo no marco do plan de dinamización do Xacobeo 2021 e, en concreto, do programa “O teu Xacobeo”.

A expedición comezou onte a súa andaina no municipio veciño de Caldas e, pola tarde, chegaron a Valga para percorrer o tramo do Camiño que discorre polo noso concello. Contaron co apoio de voluntarios da agrupación de Protección Civil, que lles abriron paso e os acompañaron no percorrido, prestándolles a súa colaboración e axuda. Onte remataron a xornada en San Miguel, deixando atrás máis de trece quilómetros, e esta mañá coas mochilas cargadas de motivación retomaron o camiño no mesmo punto en dirección a Pontecesures. O venres ao mediodía teñen previsto chegar á Praza do Obradoiro despois de percorrer uns corenta quilómetros.

Iván García Teo, psicólogo que acompaña a este grupo de peregrinos, explica que “os usuarios do noso centro viven en zonas rurais e non teñen difícil acceder a determinados servizos, ben porque non hai transporte público adaptado ou porque a distancia entre as súas casas e os núcleos urbanos son considerables. Eles demandan iniciativas de ocio para relaxarse e desconectar e dende o centro de Medelo organizamos actividades coma esta”, que é ademais unha forma de sensibilizar sobre a discapacidade. Porque mentras peregrinan están grabando o documental “Rodando no Camiño”, que reflexará as vivencias nestes días de andaina e, ao mesmo tempo, divulgará o patrimonio cultural, etnográfico e ambiental dos pobos polos que pasaron, entre eles Valga.

O psicólogo explica os motivos que os levaron a elixir o Camiño Portugués para esta experiencia: “non é o máis masificado e, ademais, vimos que o pasado ano só fixeran este camiño unhas 80 persoas en cadeira de rodas”. Baixo a consigna “Somos capaces”, que levan impresa nas gorras, propuxéronse engrosar esa lista e “o que nos atopamos é que o Camiño está en bastantes boas condicións para os nosos usuarios, todos con discapacidade intelectual e nalgúns casos tamén física e sensorial. Só tivemos dous momentos de dificultade en Caldas para pasar dous regatos e no tramo de Valga non atopamos ninguna barreira que non puideramos superar”.

RodandonoCamiño2 RodandonoCamiño3

        RodandonoCamiño4                         RodandonoCamiño5

RodandonoCamiño6 RodandonoCamiño7

boton facebookboton twitter   boton youtube

boton cita previa sede

boton extensions

boton sede electronica

boton bandos

boton rueiro

boton tempo

boton obradoiro

Volver