- A mostra, promovida pola Secretaría Xeral de Igualdade, pretende detectar as novas formas de violencia de xénero a través das redes sociais

Once paneis recollen distintas formas de exercer a violencia como os celos, o control, a manipulación, a chantaxe emocional ou o abuso

expo1

Valga, 2 de xaneiro de 2018.

O Auditorio Municipal acolle dende hoxe e ata o vindeiro 14 de xaneiro a exposición “Á violencia de xénero… dille NON”, que chega a Valga da man da Secretaría Xeral de Igualdade. A mostra, formada por 11 paneis de 70x100 centímetros, diríxese específicamente á mocidade co obxectivo de detectar e previr a violencia de xénero e as novas formas de maltrato a través das redes sociais e as novas tecnoloxías.

A premisa da que parte é que “Todas as formas de violencia de xénero aliméntanse do mesmo substrato: os estereotipos caducos e os mitos enganosos que a xente maior cre erradicados e que, desgraciadamente, a poboación máis nova parece estar reproducindo de maneira preocupante”. Tomando o deseño do cómic, os paneis aluden a distintas formas de exercer a violencia como os celos, o control, a manipulación, a chantaxe emocional, o abuso ou a “sextorsión”. Algunhas chegan a pasar desapercibidas para as persoas que as sofren e, nalgúns casos, tamén para quen as exerce ao estar normalizadas pola sociedade.

“Á violencia de xénero… dille NON” quere axudar á mocidade a recoñecer, identificar e rexeitar estas e outras condutas nocivas que se dan nas relacións afectivas e sociais, comportamentos discriminatorios inadmisibles e verdadeiros sinais incipientes de violencia machista que poden chegar a anticipar outras manifestacións máis graves do maltrato. “O respecto, a liberdade e a igualdade son tres piares básicos nas relacións”, por iso a exposición quere facer ver aos adolescentes que os celos non son unha expresión de amor, senón de poder, de posesión e de control; que non deben permitir que a súa parella controle o que fan, que critique e vixíe a súa forma de vestir ou de comportarse; que os separe dos seus amigos e familia; ou que os controle a través de whatsapp ou das redes sociais intentando impedir que actúen como persoas libres.

expo2  expo3 expo4 expo5

boton auditorio

boton edificio usos admin

boton casa cultura

boton codi

boton facebookboton twitter   boton youtube

boton sede electronica

boton bandos

boton bella otero

boton rueiro

boton tokapp

boton directorio

boton radio

boton tempo

Volver