- A firma adxudicataria conta cun prazo de 65 días para realizar os traballos

- “Este é un proxecto singular e único no que temos postas moitas ilusións”, destaca o alcalde

torreta vagonetas

Valga, 26 de agosto de 2019.

O Concello acaba de adxudicar á empresa Cimarq Consultora de Ingeniería, Medio Ambiente y Arquitectura S.L. a redacción do proxecto de recuperación do patrimonio histórico-cultural mineiro de Valga, en concreto da antiga liña de vagonetas aéreas entre o río Ulla e a Mina Mercedes. Para a financiación destes traballos de redacción o Concello e a Xunta de Galicia teñen asinado un convenio de colaboración en virtude do cal a Consellería de Economía, Emprego e Industria.

A empresa adxudicataria, con sede na Coruña, é especialista na xestión integral de proxectos de enxeñería civil e estruturas industriais, entre outros sectores, e conta polo tanto coa capacidade técnica que require un proxecto tan singular como é a recuperación desta liña de vagonetas para o transporte de persoas e con fins turísticos.

A oferta presentada por Cimarq S.L. e que resultou a máis valorada pola mesa de contratación incluíu unha considerable rebaixa no prazo de execución dos traballos de redacción, que pasa de 90 a 65 días. Segundo os pregos de cláusulas administrativas que rexeron o proceso de licitación, o proxecto adicará especial atención ao carácter dinamizador da recuperación do antigo teleférico e a súa liña de vagonetas mineiras, así como a súa contribución a valorizar a totalidade do patrimonio cultural existente en Valga. Ademais, contemplará a habilitación de terminais de acceso de pasaxeiros nos dous extremos do teleférico e incluirá un estudo de viabilidade que describa o proxecto a realizar e o modo de desenvolvelo, tendo en conta, a viabilidade técnica e económica e os requisitos legais.

Esta antiga liña de vagonetas que o Concello quere recuperar estaba vencellada á actividade industrial da empresa Novo y Sierra –asentada nos terreos da actual Urovesa– e tiña como finalidade transportar a arxila que se extraía na Mina Mercedes e tamén os materiais cerámicos que se producían na factoría. O teleférico unía o recinto da fábrica cun pequeno porto de carga e descarga no río Ulla, cuxa recuperación está tamén en marcha mediante a instalación dun pantalán por parte de Portos de Galicia.

O alcalde, José María Bello Maneiro, destaca o carácter “singular e único” deste proxecto, no que “o Concello ten postas moitas ilusións” xa que, ademais da patrimonial, conta cunha importante vertente turística. “Os visitantes que cheguen a Valga en catamarán polo Ulla poderían subir a esta liña de vagonetas, ter unha visión aérea do municipio e trasladarse á Mina Mercedes. E isto dentro dun paquete turístico que lles permita, tamén, visitar outros puntos de interese de Valga, como o Museo da Historia ou os petróglifos”. Coa vista posta no vindeiro Xacobeo 2021, hai que ter en conta que o teleférico estaría directamente vencellado á Ruta Xacobea do Mar de Arousa e Ulla, que foi o primeiro dos camiños de Santiago e polo que pasaron os restos do Apóstolo.

Proxecto vagonetas1

boton auditorio

boton edificio usos admin

boton casa cultura

boton codi

boton facebookboton twitter   boton youtube

boton sede electronica

boton bandos

boton bella otero

boton rueiro

boton tokapp

boton directorio

boton radio

boton tempo

Volver