- Catro bancos e dúas papeleiras foron concedidos pola Deputación para este espazo natural

- O Concello solicitara á administración provincial un total de 48 elementos para diferentes zonas de lecer do municipio

^{Valga, 18 de xuño 2019.}

^{O Concello de Valga solicitou á Deputación de Pontevedra, no marco do programa de melloras en espazos públicos, un total de 48 elementos de mobiliario urbano –24 bancos e 24 papeleiras– para distribuír por diferentes entornos naturais e zonas de lecer do municipio, en concreto para o Parque Irmáns Dios Mosquera, a área fluvial de Vilarello, a lagoa Mina Mercedes e o miradoiro do Monte Beiro.}

^{Desta lista de elementos, a Deputación Provincial concedeu ao Concello seis pezas de mobiliario para instalar na Mina Mercedes. Trátase de catro bancos e dúas papeleiras –unha pequena e outra con varios compartimentos para a recollida selectiva do lixo– que nos últimos días xa foron colocados por operarios do servizo municipal de Obras.}

^{Dous bancos e a papeleira grande instaláronse no entorno do parque biosaudable e os outros tres elementos distribuíronse polo paseo.}