- Brilé, Xirarei, Carretilla, Esquís Cooperativos, Turrasoga e Mundialito de Fútbol serán os xogos que se disputen o día 6 de xullo

- Repartiranse uns 2.000 euros en premios entre os participantes

Olimp2

Valga, 17 de xuño de 2019.

Valga celebra na fin de semana do 6 e o 7 de xullo a décimo cuarta edición da Festa da Xuventude, que ten como unha das actividades de maior participación veciñal as Olimpíadas da Aldea. Disputaranse un total de seis xogos: o Mundialito de Fútbol, Brilé, Xirarei, Carretilla, Esquís Cooperativos e Turrasoga.

A Concellería de Cultura ten aberto dende hoxe o prazo de inscrición para os equipos que queiran participar. O trámite pode facerse, presencialmente ou por teléfono, nas oficinas do Concello ou no Auditorio Municipal por parte dun representante de cada equipo, que deberá facilitar no momento da inscrición a relación completa de integrantes do seu grupo.

Os integrantes dos equipos deben ser de Valga admitíndose só dúas excepcións por equipo. Segundo establecen as bases, considérase que é de Valga calquera persoa empadroada na vila ou que estivera censada durante 10 ou máis anos, aínda que actualmente non o estea.

O prazo de inscrición pecharase ás 15 horas do día 4 xullo, non admitíndose ningún equipo despois desta hora.

Para participar nos torneos, tanto femininos como masculinos, de Brilé, Carretilla, Esquís Cooperativos, Turrasoga e Xirarei precísanse conxuntos de catro xogadores titulares máis dous suplentes. Os premios en todas estas competicións ascenderán a 150 euros para os primeiros clasificados e 75 para os segundos.

O Mundialito de Fútbol, no que tamén se manteñen as categorías masculina e feminina, disputarano equipos de tres xogadores titulares e dous suplentes. Os campións serán gratificados con 200 euros e os segundos clasificados con 100, ademais das correspondentes medallas.

Outorgarase, ademais, un premio á deportividade.

As Olimpíadas disputaranse na praia fluvial de Vilarello durante a xornada do sábado, 6 de xuño, incluídas as finais. A aldea que acumule máis medallas será a gañadora absoluta da competición. Na última edición os equipos feminino de Forno e masculino de Vilarello foron os máis laureados.

CARTEL FESTA DA XUVENTUDE 2019

boton auditorio

boton edificio usos admin

boton casa cultura

boton codi

boton facebookboton twitter   boton youtube

boton sede electronica

boton bandos

boton bella otero

boton rueiro

boton directorio

boton radio

boton tempo

Volver