- O alcalde e a concelleira Begoña Piñeiro participaron onte no acto de clausura

- Medio cento de alumnos de 6 anos en diante asistiron dende outubro ás clases de inglés

EIdiomas7

Valga, 31 de maio de 2019.

A Escola Municipal de Idiomas pechou o curso 2018/2019 cun acto de entrega de diplomas que tivo lugar onte pola tarde no Auditorio Municipal. Medio cento de alumnos de 6 anos en diante asistiron durante os últimos meses ás clases de inglés impartidas por docentes do Centro de Idiomas Waterford, un centro Trinity homologado.

Durante o curso que se prolongou dende o pasado mes de outubro impartíronse clases dos niveis A1, A2 e B2, dende iniciación a nivel intermedio. Fíxose especial fincapé na expresión oral, tratando de que os alumnos adquiran soltura para comunicarse en inglés, e os máis pequenos traballaron con xogos, actividades lúdicas e cancións. Algúns dos alumnos presentaranse en vindeiras datas aos exames oficiais do Trinity College e Cambridge.

O alcalde, José María Bello Maneiro, e a concelleira Begoña Piñeiro, participaron no acto de clausura e foron os encargados de entregar os diplomas aos rapaces, que amosaron parte do aprendido durante o curso cantando cancións en inglés. O alcalde lembrou que a Escola Municipal de Idiomas leva xa sete cursos en funcionamento, felicitou aos alumnos polo traballo realizado durante o curso e destacou a importancia de aprender idiomas. “Vós sodes o futuro e tendes que prepararvos o mellor posible. Estades no bo camiño”, díxolles.

EIdiomas1 EIdiomas2

EIdiomas3 EIdiomas4

EIdiomas5 EIdiomas6

EIdiomas7

boton auditorio

boton edificio usos admin

boton casa cultura

boton codi

boton facebookboton twitter   boton youtube

boton sede electronica

boton bandos

boton bella otero

boton rueiro

boton directorio

boton radio

boton tempo

Volver