- Os centros educativos valgueses realizaron distintas actividades durante a mañá

- Os maiores decoraron o Centro de Día con pombas brancas, símbolo da non violencia

^{Valga, 30 de xaneiro 2019.}

^{Os centros educativos de Valga celebraron esta mañá diversas actividades con motivo do Día da Paz e da non violencia, que se conmemora cada 30 de xaneiro coincidindo co aniversario do falecemento de Mahatma Gandhi.}

^{Un exemplo foi a Escola Infantil Municipal, na que o alumnado e o persoal docente elaboraron distinto material conmemorativo, coma un mural no que os nomes de todos os rapaces formaban a palabra “paz”, coroas ou colares nos que decoraron e debuxaron pombas, o símbolo da paz.}

^{Tamén no Centro de Día os usuarios e o persoal súmaronse ás actividades conmemorativas deste xornada, decorando a instalacións do centro con pombas brancas.}