- Esta foi unha das xestións realizadas polo alcalde na súa viaxe a Madrid do pasado 27 de decembro

- Acondicionarase a ribeira do Ulla e instalarase un pantalán de 42 metros de longo

portocampaña

Valga, 11 de xaneiro de 2019.

O Ministerio para a Transición Ecolóxica vén de autorizar o proxecto de creación dun embarcadoiro no río Ulla destinado, fundamentalmente, ao seu uso por parte de embarcacións turísticas e de recreo. A consecución deste permiso foi unha das xestións realizadas polo alcalde, José María Bello Maneiro, e a tenente alcaldesa Carmen Gómez na súa viaxe de traballo a Madrid do pasado 27 de decembro.

“Agora estamos pendentes de concertar unha entrevista na Xunta de Galicia e fixar o cronograma para a execución do proxecto. Temos a autorización, os terreos son propiedade do Concello e só falta contratar e executar as obras por parte da Xunta”, indica o alcalde.

Na zona na que está previsto desenvolver a actuación, na parroquia de Campaña, aínda perviven as ruínas dun pequeno peirao no que antigamente se cargaban embarcacións con arxila e pezas de cerámica fabricadas na factoría Novo y Sierra. O proxecto, redactado por Portos de Galicia, propón a rehabilitación daquela pequena estrutura portuaria co fin de permitir o atraque aos catamaráns e embarcacións turísticas que operan na Ría de Arousa e no río Ulla e atraer, así, un fluxo de visitantes que cheguen ao municipio por vía fluvial.

As obras consistirán no acondicionamento desta zona de ribeira con pavimento de adoquín e a instalación dun pantalán de 42 metros de longo con pavimento de madeira e varanda de aceiro inoxidable. Ao final da pasarela colocarase unha plataforma flotante de 24 metros de longo por 3 de ancho. Esta plataforma será a que permita o atraque dos catamaráns.

O embarcadoiro irá dotado con cornamusas de aluminio para o amarre das embarcacións proxectándose, ademais, o acondicionamento dun acceso por estrada ao lado da depuradora. Ademais da aprobación do proxecto, o Pleno votará a solicitude de autorización á Xefatura Provincial de Costas do Estado para a instalación do pantalán por parte de Portos de Galicia.

boton auditorio

boton casa cultura

boton codi

boton sede electronica

boton bandos

boton youtube largo

boton bella otero

boton rueiro

boton directorio

boton radio

boton tempo

Volver