Accessibility Tools

NOVAS DO CONCELLO

- O alcalde entregoulles un vale de 100 euros para adquirir material didáctico

- Os demais participantes foron agasallados con 25 euros e un roscón de Reis

cbeléns11

Valga, 7 de xaneiro de 2019.

O xurado do XVII Concurso de Beléns organizado pola Concellería de Cultura decidiu, logo de visitar os nacementos participantes, outorgar o primeiro premio do certame ao grupo de amigos integrado por Julián Cerneira, Andrea Torres, Jeny Valiño, Alejandro Torres e Álex Cortés.

O nacemento que presentaron ao concurso estaba formado por arredor de duascentas pezas, con casas de corcho feitas a man, figuras con movemento conseguido con motores de coches de radiocontrol e iluminación. Como gañadores recibiron un vale de 100 euros para adquirir material didáctico que lle foi entregado polo alcalde, José María Bello Maneiro.

Os cinco inscritos restantes (Encarna García, Telma e Hernán Dopazo, Mª José Pardal, Fran e Juan Otero e Xián Mariño) foron agasallados con vales de 25 euros e todos, ademais, recibiron un roscón de Reis.

O xurado, integrado por dous representantes do Concello e catro membros da asociación Amigos do Belén, percorreu os nacementos inscritos o pasado 29 de decembro e destacou tanto a calidade como a orixinalidade dos nacementos.

Os premios entregáronse o pasado sábado durante a Cabalgata de Reis, que congregou a un gran número de veciños nos exteriores do Belén Artesanal. Máis de 300 nenos subiron a saudar aos Reis Magos e a recoller os regalos que Melchor, Gaspar e Baltasar lles tiñan preparados.

concbelens1 concbelens2

concbelens3 concbelens4

concbelens5 concbelens6

boton facebookboton twitter   boton youtube

boton cita previa sede

boton extensions

boton sede electronica

boton bandos

boton rueiro

boton tempo

boton obradoiro

Volver