UNHA DUCIA DE PERSOAS FÓRMANSE DURANTE ESTA SEMANA NA ATENCIÓN A PERSOAS EN SITUACIÓN DE DEPENCENCIA

- O curso gratuíto foi organizado polo Concello co obxectivo de potenciar a formación no ámbito sociosanitario

- Os contidos abarcan dende a Lei de Dependencia, ata o traballo no fogar ou os primeiros auxilios

^{Valga, 6 de xullo de 2026.}

^{Unha ducia de persoas participan dende hoxe e durante toda a semana no curso de “Atención a persoas en situación de dependencia”, organizado polo Concello a través do departamento de Servizos Sociais, co obxectivo de potenciar a formación no ámbito sociosanitario.}

^{A actividade, que é gratuíta, ten un carácter teórico-práctico, co obxectivo de dotar aos participantes dos coñecementos, habilidades e competencias imprescindibles para facilitar a súa inserción laboral nun sector cunha demanda crecente, como é o das empresas de servizos asistenciais e as entidades do terceiro sector.}

^{Esta xornada inaugural é impartida por Francisco Javier Gómez González, traballador social do Concello e coordinador do curso, con contidos relativos á Lei de Dependencia, o funcionamento do Servizo de Axuda no Fogar (SAF) ou a ética social, entre outros.}

^{Outro dos módulos centrarase no traballo práctico no domicilio e será impartido por persoal do Centro de Día de Valga. Explicaranse as técnicas esenciais de mobilización e ergonomía, hábitos de hixiene, aseo, alimentación e organización eficiente do fogar.}

^{Ademais, tamén se inclúe formación en primeiros auxilios, para capacitar ao alumnado en soporte vital básico, xestión do botiquín e atención ante as feridas e lesións máis comúns. Neste caso, será impartida por persoal do Centro de Saúde de Valga.}

^{En total, serán 20 horas de formación presencial. As sesións desenvólvense no Auditorio Municipal en horario de 9:30 a 13:30, agás a xornada centrada nos primeiros auxilios, que se impartirá nas dependencias do Centro Médico de Baño.}