A MELLORA DAS INSTALACIÓNS DEPORTIVAS TAMÉN CHEGA AO CAMPO DE BAÑO, COA REFORMA DOS VESTIARIOS, BANCADAS E SISTEMA DE REGO

- Tamén se executarán traballos de acondicionamento nos aseos públicos do recinto e optimizarase a recollida de augas

- As obras, que tamén afectan ás instalacións de Campaña e ao pavillón de Cordeiro, contan cun orzamento de 1’4 millóns de euros

^{Valga, 17 de setembro de 2026.}

^{A mellora e modernización das instalacións deportivas municipais chega tamén ao campo municipal de fútbol de Baño, onde xa están en marcha as obras, tal e como puideron comprobar os concelleiros Álvaro Fernández e Carmen Gómez.}

^{Neste recinto destaca a reforma integral dos vestiarios que empregan tanto o equipo local coma os visitantes. Os operarios xa retiraron os antigos sanitarios, azulexos das paredes e o piso para realizar un acondicionamento completo con novos elementos e revestimentos, garantindo un maior confort para os deportistas que os empreguen.}

^{Ademais, levaranse a cabo melloras nas bancadas, coa substitución da actual cuberta por paneis sandwich, impermeabilización e pintado. Tamén se acondicionarán os aseos públicos destas instalacións, optimizarase a recollida de augas e renovarase o sistema de bombeo do rego automático.}

^{Hai que lembrar que neste campo xa se substituíu, este mesmo verán, parte do céspede natural que se atopaba deteriorado.}

^{O proxecto de mellora das instalacións deportivas municipais conta cun orzamento total de 1’4 millóns de euros. Finánciase cunha subvención de 700.000 euros da Xunta de Galicia, concedida a través da Consellería de Presidencia, Xustiza e Deportes. Para a outra metade do orzamento asinouse un convenio co Instituto Galego de Vivenda e Solo que permite ao Concello acceder ao Fondo de Cooperación para o apoio ao financiamento de actuacións de rehabilitación e conservación do patrimonio construído.}

^{Ademais das obras en Baño, están tamén en execución traballos nas instalacións de Campaña. Estes céntranse na substitución do céspede artificial do campo máis antigo. Xa se retirou a vella moqueta, nestes días está prevista a nivelación e o asfaltado do chan e a vindeira semana podería dar comezo a colocación do novo céspede sintético de última xeración e que prescinde por completo do caucho.}

^{Por último, no pavillón de Beiro está previsto rematar o acondicionamento da envolvente, pechar a galería existente tralas bancadas e mellorar os sistemas de climatización, contraincendios e outros equipamentos.}