O CAMPO DE FÚTBOL DE BAÑO SOMÉTESE A TRABALLOS DE MELLORA DA DRENAXE E MANTEMENTO DO CÉSPEDE NATURAL

- Estase a actuar en zonas afectadas por bolsas de auga que a herba se atopaba en mal estado

- Concello, Deputación e Cordeiro C.F. colaboran na execución dos traballos

^{Valga, 5 de xuño de 2026.}

^{Practicamente rematada a temporada futbolística nas principais categorías, o campo de fútbol municipal de Baño sométese a obras de mantemento centradas no coidado da herba natural.}

^{Estes traballos lévanse a cabo en colaboración entre o Concello, propietario das instalación; o Cordeiro CF., principal usuario do recinto; e a Deputación de Pontevedra, que conta cun programa de mantemento dos campos de fútbol da provincia mediante a achega de maquinaria específica e de persoal cualificado.}

^{A parte central da obra ten como obxectivo subsanar os problemas de drenaxe que arrastraba o campo dende as últimas temporadas e que provocaban que algunhas zonas se encharcaran, co conseguinte prexuízo para a herba natural.}

^{Con maquinaria contratada polo Concello e persoal do Cordeiro procedeuse á marcaxe das zonas afectadas e levantamento do céspede en mal estado. A continuación descompactouse a terra e misturouse con area para acadar unha mellor drenaxe. Todo isto baixo a supervisión dun técnico da Deputación.}

^{Nos vindeiros días recibiranse o novo céspede natural en rolos, adquirido polo Concello, que será colocado por persoal do Cordeiro.}

^{A última fase dos traballos será o mantemento, que correrá a cargo da Deputación, que aportará tanto a maquinaria coma o persoal. Realizaranse, por unha parte, tarefas de escarificado do terreo de xogo para eliminar capas de materia orgánica morta acumulada na superficie e estimular o crecemento de novos brotes. Deste xeito acádase un céspede máis denso.}

^{E, por último, o picado da superficie para descompactar a terra e permitir a osixenación das raíces, mellorar a drenaxe e facilitar a absorción de nutrintes.}