A RENOVACIÓN DO CAMPO DE FÚTBOL DE CAMPAÑA ENTRA NA FASE FINAL COA CHEGADA DO NOVO CÉSPEDE ARTIFICIAL

- O concelleiro Álvaro Fernández estivo hoxe nas instalacións para interesarse sobre como se desenvolverán os traballos de instalación

- A nova superficie, de última xeración, prescinde dos microplásticos e emprega no seu lugar unha base ecolóxica de carozos de millo

^{Valga, 8 de outubro de 2026.}

^{As obras de renovación integral do campo de fútbol das instalacións deportivas municipais de Campaña continúan experimentando avances. Tras varias semanas de traballos previos —nos que se retirou a vella herba artificial de 25 anos de antigüidade, se fresou o pavimento e se estendeu outra capa asfáltica de base—, esta mañá recibiuse o novo céspede sintético de última xeración que cubrirá o terreo de xogo.}

^{Dous camións transportaron o material dende Sebia, onde foi fabricado polo grupo Tarkett (especializado na produción de pavimentos e revestimentos como vinilos, parqués ou solos téxtiles). Son máis de 7.000 metros cadrados de céspede, distribuídos en 25 rolos, cos que se cubrirán toda a superficie do terreo de xogo, que ten unhas dimensións de 104 x 72’8 metros.}

^{O concelleiro Álvaro Fernández achegouse ata Campaña para participar na recepción do céspede e interesarse por como se levará a cabo a súa instalación. Os traballos de colocación arrancarán mañá mesmo e prevese que se prolonguen durante arredor de dúas semanas. A obra corre a cargo da empresa barcelona FieldTurf e contará como instalador con Daniel Vidal, o mesmo profesional que xa se encargou do terreo de xogo orixinal fai un cuarto de século.}

^{A nova superficie cumpre cos estándares FIFA Quality Pro, está deseñada para un uso intensivo e garante un rendemento de alta duración. Xunto coa moqueta instalarase unha base elástica amortiguadora (Alveosport), destinada a absorber impactos e mellorar o rebote do balón.}

^{Como principal novidade ecolóxica, o Concello adiantouse á normativa europea que prohibirá o uso de caucho en 2031 para reducir a contaminación por microplásticos. Por iso, o proxecto prescinde por completo deste material e emprega no seu lugar un recheo ecolóxico a base de carozos de millo. Este compoñente achega vantaxes como unha maior sustentabilidade, unha mellor amortiguación e a redución da calor acumulada no terreo de xogo.}

^{Ademais, a superficie incorpora protección contra os raios UVA, conta coas liñas do terreo de xogo xa tinguidas na propia fibra e dispón da homologación do CSIC, que garante a reciclaxe de todos os seus compoñentes ao final da súa vida útil.}