- Os traballos comezaron coa canalización de diferentes servizos e tamén se renovará o pavimento

- Darase prioridade peonil a este espazo, con acceso de vehículos exclusivo para residentes

^{Valga, 15 de decembro de 2023.}

^{A contorna da capela de Vilar atópase en obras. Deu comezo a execución do proxecto de humanización tanto da praza contigua ao templo, no que se honra a San Paio, coma do camiño que o bordea, cun investimento de 47.860’49 euros do Plan Concellos da Deputación provincial.}

^{Os traballos consisten na retirada do vello pavimento de asfalto e formigón e a instalación de canalizacións para diferentes servizos. abastecemento de auga, rede de pluviais e alumeado. As actuacións completaranse coa colocación do novo pavimento, que combinará lousas de granito e empedrado, que ofrecerá unha imaxe uniforme en pleno centro do núcleo tradicional de Vilar.}

^{A través deste proxecto preténdese ofrecer aos veciños un espazo seguro, cómodo e funcional, creando unha zona de lecer na que teña prioridade o uso peonil e limitando o acceso de vehículos rodados só a residentes.}