- Bar Pardal e Casa Comparada obtiveron os mandís de Prata e Bronce

- Entre os participantes na elección dos mellores petiscos sorteáronse dez vales de compra

^{Valga, 28 de agosto de 2022.}

^{A décima edición da Ruta-Concurso “Tapa a anguía” xa ten gañador: o Café-Bar O Pontellón, que se fixo coa vitoria por partida dobre. O petisco elaborado por este establecemento da Avenida da Coruña gañou tanto a votación popular coma o premio do xurado, que coincidiron en sinalar a súa tosta de anguía sobre rulo de cabra con salsa de pemento morrón e pistachos coma a máis deliciosa das nove propostas gastronómicas que participaron no certame. Esta tapa poderá degustarse de novo na XXXIV edición da Festa da Anguía e Mostra da Caña do País, no vindeiro ano 2024.}

^{Ademais, por votación popular, entregáronse outros dous premios: os mandís de Prata e Bronce. O segundo clasificado foi o “Pesto de anguía” do Bar Pardal (anguía con fondo de cebola e tomate natural, acompañada de pasta negra e bañada con queixo de Arzúa e un pesto de pementos de Padrón) e o terceiro posto recaeu en Casa Comparada cuns roliños recheos de masa roux e anguía asada cun corazón de xelificante de tomate.}

^{Ademais dos tres gañadores, tamén participaron nesta actividade gastronómica Pastelería Caprichos, Bar Maneiro, Bar Potel, Palmera Beach Valga, Café-Bar Couceiro e Cafetería Auditorio.}

^{A ruta de tapas contou cunha altísima participación por parte de veciños e visitantes que acudiron aos establecementos de hostalería para degustar os diferentes petiscos. Proba da gran acollida foi o número de votacións emitidas para elixir ás mellores tapas, que superaron as 300.}

^{Entre todas elas sorteáronse dez vales de compra de 30 euros para gastar no comercio local, e os gañadores foron:}

^{- Eva Castro García}

^{- José Oliveira Cordo}

^{- Juan Carlos Castaño Tubío}

^{- José Francisco López Corral}

^{- Lucía Santiago Sanmiguel}

^{- Loli González Eiras}

^{- José Rey Barreiro}

^{-José Manuel Velay Fernández}

^{- Carmen Ríos Senín}

^{- Iván Casal Gómez}

^{O sorteo efectouse durante a precata do Concurso da Caña do País e os catadores exerceron de mans inocentes.}