- Todos os venres repítense as sesións de estimulación cognitiva e a expresión artística impártese en dous grupos, un en Cordeiro e outro en Valga

- O programa, promovido pola Concellería de Benestar Social, axuda aos maiores a reforzar a súa autoestima, relacionarse con outras persoas e acadar unha maior satisfacción persoal

senior

Valga, 9 de xaneiro de 2018.

Trinta e cinco veciños de Valga, todos maiores de 65 anos, participan dende o mes de outubro e ata xuño nas actividades de estimulación cognitiva e expresión artística do programa Campus Sénior, que organiza a Concellería de Benestar Social e a través do cal os participantes melloran a súa autoestima, relaciónanse con outras persoas e acadan unha maior satisfacción persoal.

As sesións de estimulación cognitiva, que se desenvolven todos os venres no Auditorio Municipal, axudan aos seus 16 participantes a traballar a memoria estruturadas en dúas partes, a primeira de benvida e a segunda de traballo. Comezan realizando dinámicas de grupo con actividades de orientación á realidade, coas que toman conciencia da súa situación no tempo e no espazo e da súa propia persoa a través de estímulos visuais, escritos, verbais, e que inclúen tamén exercicios de relaxación e movementos de coordinación.

Na parte de traballo levan a cabo exercicios de estimulación da memoria a través de recoñecementos visuais e auditivos, mediante a linguaxe e cálculo ou realizando movementos xestuais. Len poesía e outros textos, deletrean palabras, traballan con pasatempos como as sopas de letras, intentan resolver adivinanzas ou recordar refráns, realizan pequenas operacións matemáticas e repiten series de números, entre outras actividades. As técnicas de reforzo da memoria inclúen tamén exercicios vencellados a actividades cotiás como elaborar a lista da compra e separar os artigos por categorías, relacionar cores con obxectos que utilizan no día a día ou relatar contos, ademais de evocar recordos e as súas propias historias de vida.

As clases de pintura contan cun total de 19 participantes divididos en dous grupos: un que se reúne todos os martes no Auditorio e outro que acude o xoves á Casa da Cultura. A artista Ángeles Garrido dirixe as sesións, que axudan aos asistentes a “expresarse a través da pintura” e nas que se traballan tamén aspectos como a psicomotricidade a memoria. Os maiores, ademais, “interactúan entre eles e acadan unha maior sociabilidade”, explica a mestra. Estas clases son, para a mayoría dos inscritos, a súa primeira relación coa pintura e “agora están enganchados a ela”, comenta Ángeles Garrido. Son eles os que elixen a técnica que quere utilizar como o que prefiren pintar porque “é importante que se identifiquen” cos seus traballos, engade.

O Campus Sénior axuda, deste xeito, a acadar unha maior calidade de vida para as persoas maiores, favorece a súa integración e mellora a súas relacións sociais, ao tempo que se traballa no mantemento das capacidades cognitivas, persoais e sociais dos participantes.

senior1 senior2 senior3 senior4 senior5 senior6 seniorv seniorv2

boton auditorio

boton casa cultura

boton codi

boton sede electronica

boton bandos

boton youtube largo

boton rueiro

boton directorio

boton radio

boton tempo

Volver