𝘼 𝙀𝙎𝘾𝙊𝙇𝘼 𝘿𝙀 𝙄𝘿𝙄𝙊𝙈𝘼𝙎 𝙋𝙀𝘾𝙃𝘼 𝙊 𝘾𝙐𝙍𝙎𝙊 𝘾𝙊𝘼 𝙀𝙉𝙏𝙍𝙀𝙂𝘼 𝘿𝙀 𝘿𝙄𝙋𝙇𝙊𝙈𝘼𝙎 𝘼𝙊 𝘼𝙇𝙐𝙈𝙉𝘼𝘿𝙊

- O alcalde e a concelleira de Educación animaron a nenos e adultos a seguir aprendendo linguas estranxeiras, cada vez “máis importantes”

- O acto, ao que tamén asistiron as familias, celebrouse no Auditorio Municipal

^{Valga, 19 de xuño de 2026.}

^{A Escola Municipal de Idiomas celebrou onte o acto de entrega de diplomas co que se pecha o curso 2025/2026. Celebrouse no Auditorio Municipal coa participación do alcalde, José María Bello Maneiro, a concelleira de Educación, Carmen Gómez, a mestra Sara Cadarso, en representación do Centro Waterford, que se encarga de impartir as clases de inglés en Valga dende fai máis dunha década.}

^{Os alumnos, con idades variadas entre Educación Primaria ata adultos, recibiron os diplomas que recoñecen o esforzo realizado e os coñecementos adquiridos durante o ano académico. Na súa intervención, o alcalde incidiu na enorme importancia que ten a aprendizaxe de linguas estranxeiras hoxe en día: "É fundamental para o voso futuro, xa que cada vez os idiomas son máis demandados para todo tipo de traballos", asegurou Bello Maneiro dirixíndose aos estudantes.}

^{O alcalde aproveitou tamén para lanzar unha mensaxe de motivación tanto aos máis novos coma á poboación adulta do municipio, animándoos a continuar con esta aprendizaxe, para a que “nunca é tarde”.}

^{Pola súa banda, a docente Sara Cadarso felicitou ao alumnado por acadar todos os obxectivos propostos para este curso. Destacou, de xeito especial, “a constancia, a boa actitude e o comportamento” dos estudantes e agradeceu ao Concello “ colaboración ano tras ano para que esta actividade se desenvolva con éxito2}

^{Antes de desexarlles a todos un moi bo verán, tanto a mestra coma o alcalde coincidiron en facer unha mención moi especial ás familias. Recoñeceron o papel crucial dos pais e nais que apostan pola formación dos seus fillos, o cal "supón un esforzo tanto económico coma organizativo para traelos cada día ás clases".}