- Durante o evento realizouse unha gravación do Himno de Valga
 
- Os integrantes da Coral Santa Comba estrearon uniforme, en cores negra e turquesa
 
fin1

Valga, 31 de decembro de 2017.

Tres agrupacións musicais valguesas protagonizaron onte pola noite o Concerto de Fin de Ano que tivo lugar no Auditorio Municipal.

A Coral Polifónica Santa Comba de Cordeiro, dirixida por Manuel López Castro, foi a encargada de abrir as actuacións cantando as cancións Dios Eterno¡Ro, mi niño, Ro!No medio da noite e Lirio del Alba, ás que seguiron as panxoliñas Esta noche es Nochebuena eVinde ver o neno co acompañamento do público que se deu cita no Auditorio.

Os cincuenta integrantes da coral estrearon uniforme neste concerto. As mulleres, vestido a dúas cores con saia negra e corpo turquesa, con chaqueta desta última cor a xogo. Estes traxes foron elaborados en Valga por Confeccións Hermitas. Os homes, pola súa parte, vestiron traxe negro con camisa branca e corbata turquesa a xogo cos vestidos das mulleres, feitos por unha empresa de Dena. “Dende que fixeramos os primeiros traxes, no ano 1995, a algúns xa non lles servía e, ademais, entrou xente nova na coral. Necesitabamos nova roupa”, explica Valentina Ferro, presidenta da agrupación.

Logo da actuación en solitario da Coral Polifónica, foi o turno sobre o escenario da Banda Peque, dirixida por Pedro José Torres Diz. Os pequenos músicos interpretaron unha Suite de Nadal composta polos temas O vello Papá NoelOs tres Reis e Jingle bells.

Na segunda parte do concerto, a Banda de Música Municipal interpretou La forza del destinoParis Montmartre, a polkaTritsch-Tratsch e Adiós Nonino para acordeón co acompañamento da solista Nerea Rodríguez Núñez.

Por último, Banda e Coral compartiron escenario cos temas Time to say goodbyePerfidiaCanción de cuna e Noite de Paz. O concerto pechouse co público posto en pé e coa Banda Municipal e a Coral Santa Comba intepretando o Himno de Valga, con música de Manu Conde. Aproveitouse a actuación para realizar unha gravación do himno municipal.

Durante o evento, o alcalde, José María Bello Maneiro, e as concelleiras Ramona Otero e Begoña Piñeiro entregaron uns agasallos ás tres agrupacións participantes. O rexedor amosouse orgulloso de contar en Valga con formacións musicais e artistas de tanto nivel e aproveitou para desexar a todos os veciños un bo ano 2018.

Máis fotos: https://www.facebook.com/media/set/?set=a.204158970132564.1073741948.131969484018180&type=1&l

fin2 fin3 fin4 fin5 fin6

boton auditorio

boton edificio usos admin

boton casa cultura

boton codi

boton facebookboton twitter   boton youtube

boton sede electronica

boton bandos

boton bella otero

boton rueiro

boton tokapp

boton directorio

boton radio

boton tempo

Volver