- Está dirixida á veciñanza dos concellos de Valga e Pontecesures

- Unha logopeda da asociación Sarela falará de causas como o ictus, sobre prevención, atención e coidados

charla DCA

Valga, 17 de abril de 2019.

O Auditorio Municipal alberga o vindeiro mércores, 24 de abril, unha charla informativa sobre o Dano Cerebral Adquirido (DCA) organizada pola asociación Sarela e dirixida á veciñanza dos concellos de Valga e Pontecesures. A actividade é de acceso libre para todos os interesados nesta doenza, xa sexan persoas coidadoras ou poboación en xeral.  A relatora será Ruth González, logopeda de Sarela, que falará de causas como o ictus ou os traumatismos e tamén sobre prevención, atención e coidados.

O Dano Cerebral Adquirido (DCA) é a lesión que se produce no cerebro como consecuencia dun ictus, golpe, cancro, infección, falta de osíxeno, etc. Na actualidade é a primeira causa de discapacidade e dependencia en España. A pesar da súa enorme incidencia, moitas persoas que o padecen non acceden a unha información especializada e de calidade sobre as súas secuelas, posibilidades de recuperación grazas á rehabilitación específica ou recursos de atención existentes.

Sarela é unha entidade sen ánimo de lucro creada en decembro de 2000 por familiares e persoas con DCA e desenvolve o seu labor nos concellos da área sanitaria de Santiago. Ten como obxectivos fundamentais promover a defensa conxunta dos dereitos destas persoas e das súas familias, a súa integración e normalización social, e o seu coidado, asistencia e protección. Entre os fins principais da asociación tamén están os de orientación e información así como o de prevención do DCA e os seus efectos.

Nos últimos dous anos puxo en marcha unha campaña para analizar situación das persoas con dano cerebral na súa área de influencia e, a partir da información obtida, organiza charlas como a do día 24 no Auditorio dirixidas a persoas coidadoras e á poboación en xeral para informar sobre a especificidade dos coidados das persoas con DCA, axudas e outras cuestións de interese.

 

charla DCA

boton auditorio

boton edificio usos admin

boton casa cultura

boton codi

boton sede electronica

boton bandos

boton youtube largo

boton bella otero

boton rueiro

boton directorio

boton radio

boton tempo

Volver